Lehen saltzen zuenaren arabera erosten zituen produktuak, «orain arrunt desberdina da, kristoren inbertsioa behar duzu aitzinetik eta zazpi-zortzi hilabete lehenago erosi behar ditugu hurrengo kanpainako gauzak».
Kirola egiteko jantziak eta osagarriak saltzen ditu gehienbat, baina baita janzteko arropak ere. Ongi funtzionatzen du dendak Beran, «baina egia da orain salmentak ez direla hain handiak, mantentzen ari gara». Urte aunitz dira lanean eta «esperientzia» daukate, «bezero gehienak herrikoak edo ingurukoak dira eta harremana ona da, jendearekin egotea gustuko dut eta konfiantza ematen dit. Alde horretatik kontent nago».
«Komertzio guztiei bezala», Zelari ere eragin dio koronabirusak. «Hala ere, egia da itxiera perimetrala izan zenean jendeak herrian erosten zuela eta kanpaina polita egin genuen».