Duela 410 urte egin zen Logroñoko autodafea, eta hainbat euskaldun erre zituzten han, sorgintzat akusaturik. Hura ez zen, ordea, bakarra izan: mende batean barrena inkisizioak hainbat segada egin baitzituen. Dokumentazio lan handia egin ondotik argitaratu du Urmenetak liburua, Arantzako aurkezpenean oroitarazi zuenez, «sorgin ehizaz ez dagoelako dena kontatua».