Txertaketaren operatiboa 16 osasun-langilek osatu dute. Kopuru horri 20 boluntarioren lana gehitu behar zaio, antolaketan, logistikan, informazioa ematen eta pertsonen mugimendua laguntzen aritu den boluntario-taldea, hain zuzen.
Baheketatik kanpo utzi dituzte azkeneko hamar egunetan PCR bat egin dutenak, bai eta azken hiru hilabeteotan PCR edo antigeno test batean emaitza positiboa izan dutenak ere. Joan den ortzegunean Toki Ona institutuko 60 irakasle eta langileri egiten zieten baheketa eta guztiek negatibo eman zuten.
40 positibo azkeneko bi asteotan
Urtarrilaren 15etik 30era, 40 positibo atzeman dituzte Beran, egunero gutienez kasu 1 eta gehienez 5 kasu artean. Intzidentzia horrekin larrituta, Osasunbideko agintariak Udalarekin harremanetan jarri ziren baheketa hau egiteko eta, hartara, hedapena lehenbailehen kontrolatu ahal izateko.
