Lesakako txakur parkea erabilgarri da abenduaren 31tik aitzinera

Landazelaietan, suhiltzaile parkearen eta Andra Mari Zahar Etxearen gibeleko aldean Lesakako udalak egokitu duen Landazelaieta txakur parkea erabilgarri dago abenduaren 31tik aitzinera. 08:00etatik 22:00etara erabil daiteke, horretarako prestatu den araudia errespetatuz.

Honela, atea beti itxita mantendu behar da eta txakur batek liskarren bat sortzen badu bertze txakur batzuekin, txakurra berehala atera beharko da parketik. Arriskutsuak izan daitezkeen txakurrak muturrekoarekin egon beharko dute. Ezin izanen dira sartu araldian dauden txakurrak, ezta lepoko hortzdun, elektriko edo itogarriak dituztenak ere. Txakurraren jabeak txakurraren gorotzak jaso beharko ditu eta txakurrak hiri-altzarietan edo bertzeengan eragiten ahal dituen kalteen erantzulea jabea izanen da.

Gogoratu behar da txakurrak eta bertze etxeko animaliak edukitzea arautzen duen ordenantza ere onartu duela udazken honetan Lesakako Udalak eta txakur kakak biltzeko zaborrontziak ere paratu dituzte.

Erlazionatuak

Txakurrak eta bertze etxeko animaliak edukitzea arautzen duen ordenantza onartu du Lesakako Udalak

Bortziriak Lesaka

Etxeko animaliekin, batez ere txakurrekin, herrian dauden arazoak ikusirik, Lesakako udalak, Nafarroako Gobernuaren legedian oinarrituz, erabilera ...
Zakur kakak biltzeko zaborrontziak jarri dituzte Lesakan

Bortziriak Lesaka

Aurreko hilabetean etxeko animaliak, eta batez ere txakurrak izatea arautzen duen ordenantza onartu zen. Ordenantza honen harirat Udalak herrian ha...

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun