Idoia Torregarai eta Mirari Martiarenak Bakean dagoenari bakean utzi binakako bakarrizketa komikoa eskainiko dute, Baratzondon, abenduaren 7an, 19:00etan.
Bakean dagoena bakean utzi
Mirari Martiarena eta Idoia Torregarai artisten lana da. Bikoteak sei bakarrizketa aurkeztuko ditu, elkarrekin josita. Euskara eta generoa gai hartuta, euskalkiak, onomatopeiak, amatasuna, gorpuztasuna eta kristalezko sabaia bezalako gaiak dituzte hizpide ordu bete inguruko emankizunean. Kritika eginez, deseraikiz eta barre eginez bazterrak zirikatzen dituzte.
