Haurrentzat margo eta argazki tailerra eginen dute martxoaren 15ean Beran

Ttipi-Ttapa 2020ko mar. 6a, 14:00
Etxebarria eta Laskarairen lanak ikusgai daude Labiagako areto nagusian martxoaren 29ra bitarte.

Labiaga ikastolako areto nagusian, igandean 16:00etan eta ondotik, soinu eta irudi performance irekia eskainiko dute Altzateko frontoian

 

Berako Labiaga Ikastolako Areto Nagusiko lantaldeak antolatuta, Pantxix Bidart, Gonzalo Etxebarria eta Patxi Laskarai artistek haurrentzat margo eta argazki tailerra eskainiko dute martxoaren 15ean, igandean 16:00etatik aitzinera. Tailerra doan izanen da, baina izena eman behar da bera@labiagaikastola.eus helbide elektronikoan. 18:00etan berriz, Altzateko frontoian, soinu eta irudi performance irekia eskainiko dute.

Aipatzekoa da Barkoxeko (Zuberoa) Gonzalo Etxebarria margolariaren eta Donibane Lohizuneko (Lapurdi) Patxi Laskarai argazkilariaren ‘Izenik gabe’ erakusketa ikusgai dagoela Labiagako areto nagusian asteburuetan martxoaren 29ra bitarte, larunbat eta igandetan, 16:00etatik 20:00etara.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun