Ohikoa denez, Arantzan inauterien data ofizialei aurre hartu eta asteburu honetan ospatuko dituzte mozorroen bestak. Ortzegunean hasiko dira Mozorro Zuriak lanean eta baserriz baserriko eskean. Ortziralean ere halaxe ibiliko dira, baita gaztetxoak ere, eta bertso afaria eta emakumeen afaria ere izanen dira. Larunbatean herri-kirol saioa izanen dute.
Otsailak 6, ortzeguna
09:00etan Mozorro Zurien gosaria Primi ostatuan. Ondotik eskolako neska-mutikoei bisita eginen diete bizkarrekoak edo puxka-puxkak paratzeko. Segidan bi taldetan banatuta Mozorro Zuriak lau baserri auzoetara joanen dira Beñat eta Andoni Mitxelena akordeoilariekin. Egun osoan baserriz-baserri eskean ibiliko dira. Arratsaldean eskolan inauterietako besta izanen dute. Gauean Mozorro Zurien afaria Primi ostatuan.
Otsailak 7, ortziralea
Goizean Mozorro Zurien gosaria Primi ostatuan. Ondotik herrian barna eskean etxez-etxe musikariekin. Eguerdian Mozorro Zurien bazkaria Burlada jatetxean. Egun osoan eskolako neska-mutikoak baserriz-baserri puxka-puxka ibiliko dira. 21:00etan emakumeen afaria izanen dute Pabloenean eta bertso-afaria Aterpean Jexux Mari Irazu eta Miren Amuriza bertsolariekin. Afalondoan dantzaldia gorapean Beñat eta Fernandorekin.
Otsailak 8, larunbata
Eguerdian Mozorro Zurien bazkaria Pabloenea jatetxean. 17:00etan, haur, gazte eta heldu mozorrotuen kalejira eta bukatzean txokolate-jatea. Ondotik, herri-kirol saioa izanen dute eta mozorro zuriek saldutako boletoen zozketa eginen dute frontoian. Aizkoran, Iker Vicente eta Ruben Saralegi lehengusuak, Julen Alberdi Txikia IV.a eta Mikel Larrañagaren kontra ariko dira. Gauean Mozorro Zurien afaria Ekaitza Elkartean. Gauerditik aitzinera dantzaldia gorapean Oharkabe taldearekin.