Nafarroako goi mailako kontserbatorioko ikasleek musika kontzertua eskainiko dute apirilaren 19an, igandean 12:30ean Harriondoa Kultur Etxean. Zehazki, Olatz Rojo lesakarrak (zeharkako txirula), Raquel Ortegak (arpa) eta Sergio Eslavak (saxofoia), W.A. Mozarten flauta eta arparentzako kontzertua eta bertze zenbait pieza eskainiko dituzte.
Apirilaren 25ean, berriz, larunbatean 20:00etan, Tuterako Abesbatzak kontzertua eskainiko du Harriondoa Kultur Etxeko konbentuko elizan, Giltzarri Abesbatzak antolatutako emanaldian.
