MARIA URROZ

«Gure baserrietako izkin-harria du oinarri Conecta Fiction sariak»

Maria Urroz, Conecta Fiction sarietako parte-hartzaileei emateko diseinatu dituen 'Patxiku' lanekin.

Maria URROZ OIARTZABAL, eskulangilea.

Emo Creations lantegian sortzen dituen eskulanen artean, Maria Urrozek duela aste batzuk akitu zuen Iruñeko Conecta Fiction jaialdiko sari-banaketarako enkargatu zioten lana. Nazioarteko ekitaldi horretan, telebistako sormena, finantziazioa, ekoizpena eta edukien emisioa saritzen dira, eta Europako eta Ameriketako fikziozko edukietan parte hartzen duten funtsezko aktore guztiak biltzen ditu (industria eta sorkuntza-talentua).

Sariaren eta oroigarrien diseinua

Maria Urrozek aurten eman ziren sariak diseinatu eta egin ditu: «aurrez aurre begiratzen diren bi aurpegi, horixe da Conectaren Fiction jaialdiaren anagrama, eta, zalantzarik gabe, sarirako eman den kobre-pieza honen abiapuntu den sinbolo boteretsua. Oinarria, gres landuan egina dago eta gure lurraldeari keinu bat egiten dio:  Baztango harria, gure baserriak edertzen eta eusten dituen izkin-harria irudikatzen du. Kolore, forma eta testura berdintsua dauka». Horretaz gain, jaialdian parte hartu dutenei emateko oroigarriak ere diseinatu zituen eta ‘Patxiku’ izenarekin bataiatu zituen. Portzelanaz eta gresez egindako piezak dira, bi helduleku dituen katilu baten modukoak, bi belarriko burua balitz bezala, eta horien gainean gure zapelaren, bonetaren itxura duen estalkia (antzeko 'Maritxu'ak ere baditu, zapelaren ordez zapia dutenak).

Conecta Fiction jaialdiko garaikurra, Urrozek egina.

Erlazionatuak

Kapela artelan bihurtua Narbartetik mundura

Bertizarana Narbarte

Narbarten lantegia duen Maria Urrozek diseinatu eta egindako kapela-bitxia ikusgai izan da Parisen, Carl Fabergé bitxigile ezagunaren jaiotz...

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun