Legasako Arcelorreko langileek Lan Departamentuan egin duten protesta Iruñean

Lan Departamentuaren aitzinean egin dute elkarretaratzea ortzirale goizean.

Kaleratutako lankidea berronartzeko exijitu dute hirugarren greba egunean

Legasako Arcelor Mittal enpresan planteatuta zeuden hiru greba egunak egin dituzte, gaurkoarekin, beti ere kaleratutako lankidea berriz ere lantegian onartzea exijitzeko. Balorazioa hagitz positiboa egin dute, «produkzioa gelditzea lortu egin delako eta mobilizazioetan langileek modu zabal batean parte hartu dutelako». 

Baina hori horrela izanda ere, zuzendaritzak ez du inongo mugimendurik egin eta, horren ondorioz, azken greba egunean, langileak kalera atera dira berriz. Hain zuzen ere, Iruñeko Lan Departamentuaren aitzinean elkarretaratzea egin dute ortzirale goizean, gatazka honen inguruko kontziliazio saioaren atarian. Saio honek emandakoaren ondoren, langileen batzarra eginen da hurrengo pausoak zein izanen diren erabakitzeko.

Erlazionatuak

Jarraipen zabala izan du Legasako AMDS lantegiko lehen greba egunak

Bertizarana Legasa

Urte hasiera honetan langile bat kaleratu zuten proba tartea gainditu ez zuela argudiatuz, lehenagotik bertan bortz urtez lan egin bazuen ere Lega...
Greban Legasako Arcelor lantegia

Bertizarana Legasa

Proba tartea gainditu ez zuela argudiatuz,Arcelorreko langile bat kaleratua izan dela eta,hura berriz lanean har dezaten greba egitea erabaki du b...

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun