Norbanakoen eta elkarteen artean, denera 97 izan dira proiektura lotutakoak. Horietatik 50 gizonezkoak dira eta 43 emakumezkoak. Bertzalde, gehienak herri erdialdean bizi dira, 65 kide zehazki. Are gehiago, 65 horietatik 24 herriko pisuetan bizi dira. Gainerakoak Erratzuko auzoetan bizi dira: Gorostapolon, Iñarbilen, Izpegin, Larretan…
Proiektuak eduki duen babesa ikusita, Iduzki Komunitate Energetikoa abian paratzeko lanean aritu den taldeak bere «esker ona» eman nahi izan die herritarrei. Azkenik, «aurkezpen bilkuran erran bezala: Erratzu jasangarriago, indartsuago eta burujabeago baten alde lanean arituko gara».
