Kontziliazioaren eta amatasunaren ipuina izeneko hitzaldiak, gogoeta eta prestakuntza analisiari eginen dio tartea; gaur egun, amatasunak suposatzen duen erronka sozial eta pertsonalen inguruan hausnartzeko asmoz.
Egungo emakume eta batez ere, ama aunitzendako, bizitza profesionala eta bizitza familiarra uztartzea erronka nagusienetarikoa bilakatu da. Horren harira, kontziliazio diskurtso atseginak ere agertu ohi dira maiz, baina horren gibeletik dauden egitura diferentziak, karga mentala eta zaintza lan eta ardura ikusezina presente egoteak, amatasuna sakrifizio bilakatzeko ahalmena badu oraindik ere. Hortaz, aipatutako zailtasunak eta oztopoak onartzea, ulertzea eta lantzea ezinbertzekoa da egitura sozial eta laboralen baitako aldaketen bidean. Eta horren bueltan arituko dira gaur 18:00etan Arizkunenean Berhezi elkartearekin.
Jarduera hau, ama direnei aparte, herritar guziei zuzenduta dagoela jakinarazi dute. Izan ere, kontziliazioa eta zaintza lana ikuspegi feministatik birentsatzeko ardura guztiona delako.
