1946an Domingo Etxandi Elizetxe kaikugilearekin ezkondu zen eta Motzainean bizi izan ziren. Ondotik, Etxandi Etxea eraiki zuten eta alaba bakarra izan zuten, Pilar Etxandi Duhalde.
2010ean sartu zen Elizondoko Zahar Etxean, 91 urte zituela. Alabak azaldu zuenez, «istripu baten ondorioz errehabilitazioa egiteko etorri zen, eta sendatzean hemen gelditzeko eskatu zigun, gustura zegoelako». Hurbilekoek ziotenez, umore ederreko emakumea zen eta zahar etxeko adinduena izanda ere, antolatutako ekitaldi guzietan parte hartzea gustukoa zuen. Bere 106. urteurrena ere hortxe ospatu zuen Elizondoko Zahar Etxean, familia eta lagunekin, musika, lore eta opari artean.
