Hori dela eta, eskaintza zabaldu dute: «alde batetik, gimnasioan zuzendutako jarduera ugari ditugu: indarra, ziklo, dantzumba, pilates… mugikortasuna, indarra eta alderdi aerobikoa lantzeko». Horrez gain, «hainbat programa ditugu: 65 urtetik goitikoendako, kirolik egiten ez duen eta forma fisikoa hobetu nahi duen jendeari zuzendua, Baztango eskubaloiko jokalariendako… horretarako nutrizionista, fisioterapia eta errehabilitazio zerbitzuak eskaintzen ditugu». Fitness gelan, aldiz, «bakoitza bere kabuz etor daiteke nahi duena lantzera», eta «eskalada egin nahi dutenendako rokodromoa dugu, haur eta helduentzako kurtso eta programekin». Azkenik, «ostatua dugu, mundu guziari irekia. Denetik eskaintzen saiatzen gara».
Hasiberriei «denetik probatzeko gomendatzen diegu, gehien gustatzen zaiena aukera dezaten. Aurten, adibidez, indarrak eta pilatesek arrakasta haundia izan dute eta ordutegiak zabaldu ditugu».