Baztango Udalak adierazi duenez, «2021eko apirilean Lekarozen, Aroztegian, Palacio de Arozteguia SL enpresa sustatzaileak bertan egin nahi duen proiektuaren urbanizazio lanei ekin zien. Nafarroako Kontratu publikoen epaitegiak obra horien esleipena deuseztatu zuen, beraz, obrek ez lukete inoiz hasi izan beharko».
Lanen kontra «jende aunitz mobilizatu zen eta kanpaldi jendetsua egin zen Aroztegia inguruan, desobedientziaren bidez obra horiek geldiarazteko exijituz. Protesta horien harira, zazpi herritar salatuak izan ziren eta duela gutti beraien kontrako zigor eskaerak ailegatu dira. Guztira, 20 urteko kartzela zigorra eta 56.000 euroko fidantza eskatu du fiskaltzak».
Horren harira, Baztango Udalak «auzipetutako zazpi baztandarrei elkartasuna adierazi» nahi izan die eta Nafarroako Gobernuari eskatu dio «Aroztegiko Udalaz Gaindiko Eragina duen Plan Sektoriala deuseztatzeko eta foru intereseko izaera kentzeko».
