Produktu guztiak «% 100 naturalak dira, kontserbagarri artifizialik gabe eta bertakoak: Elizondoko zerria, Arantzako oilaskoa, Baztango bildotsa eta aratxea… eta prestatutako janariak zein jaki pasteurizatuak ere saltzen ditugu, denak naturalak. Hori da gure berezitasuna». Gaur egun hiru langile dituzte, «baina lan egiteko jende gehiago behar dugu».
Gainera, «etxerako zerbitzua dugu Baztanen, Bortzirietan eta Malerrekan, baita Nafarroa eta estatu mailan ere». Sare sozialak ere «beharrezkoak» ikusten ditu; «erosketak egiteko modua aldatzen ari da eta Internetak garrantzia haundia du adin eta eremu guzietako jendearengana ailegatzeko».