Mekanika azkarra lantzen dute bertan; «olio eta balazta pastillen aldaketak, konponketa elektronikoak, 3.500 kilo arteko ibilgailuen mantentze lan orokorrak…». Azkeneko urteetan «lan aunitz» izaten dute; «kotxe elektrikoen inguruko dudak ditu jendeak, ez dakite erosi edo ez, eta oraindik kotxe zaharrarekin ibiltzen dira. Hortaz, lehenago egiten ez ziren konponketak egiten ditugu».
Batzuk autoak gustuko dituzte, bertze batzuk beharrezkoa dutelako erabiltzen dituzte, «baina jendeak orokorrean ongi zaintzen ditu ibilgailuak. Hobe da konponketak tenorez egitea, kasurik egiten ez bazaio aberia haunditzen ahal delakoz».