Uda giroa

‘Aurkituko gaituzuenoi’ ikuskizuna izanen dute abuztuaren 6an Amaiurren

Larunbatean 21:30ean hasiko da, Jon Maria bertsolariaren zuzendaritzapean

Amaiurko gazteluaren suntsipenaren bosgarren mendeurrenaren harira, abuztuaren 6an, larunbata, 21:30ean ospatuko da mendeurreneko ikuskizun nagusia Amaiurren, gaztelua zegoen tontorraren magalean. Ikuskizunaren izena Aurkituko gaituzuenoi izanen da eta Jon Maia bertsolaria da zuzendaria.

Jon Maiak zuzendutako ikuskizuna izanen da eta bertzeak bertze, Et Incarnatus orkestrak, Oinkari dantza taldeak, Gorka Hermosak, Olaia Inziartek, Jean Mixel Bedaxagarrek, Joseba Irazokik, Aire ahizpak, Elizondoko Abesbatza ttikiak eta Amaiurko Gaztelu taldea abesbatzak parte hartuko dute, bertze hainbat gonbidatu eta sorpresarekin batera.

Ikuskizunaren izenak etorkizuneko biztanleei egiten die aipamena eta ikuspegi horrekin atzoko, gaurko eta biharko Euskal Herria barne hartzen dituen kontakizun artistikoa eskainiko du hainbat kultur eremuetako artisten parte hartzearekin. Emanaldi bakarra izanen da eta sarrerak www.amaiur.eus webgunean daude salgai.

Erlazionatuak

«Gure historia gure hizkuntzan kontatzea garaipena da niretzat»

Baztan Amaiur

Amaiurko erresistentziaren 500. urteurrena omentzeko, ikuskizun handi bat aurkeztuko dute Amaiurko Herriak, Gaztelu Elkarteak eta Aranzadik, udalar...

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun