Zerbitzuen aldetik «bilakaera handia» izan du eta kanpoko materialetan aukera zabala dute: «teilatuak, morteroak, fatxadak, zementuak, burdinak, isolatzaileak, oholtzak… denetik». Eraikuntzako materialaz gain barneko dekoraziorako ere hainbat produktu dituzte; «zeramikak, komunak, parketak, ateak, leihoak… zerbait eraikitzeko beharrezko guztia dugu».
Gainera, zerbitzu berria dute orain, «etxeetara joaten gara diseinu aholkuak emateko eta aurrekontu bat egiteko». Makineria alokatzeko eta materiala garraiatzeko zerbitzua ere eskaintzen dute. Negozioak «ongi» funtzionatzen du, «gehien bat Iparraldean ere lan aunitz egiten dugulako, Baztango bailara nahiko ttikia da eta ez dira hainbertze etxe egiten».