Idea Innovacion enpresak «hitzarmen kolektiboa negoziatzeari uko egin izana» salatu dute langileek, baita «zerbitzuaren kalitatearen murrizketa» ere. Langileek emandako erantzuna «erabatekoa» izan dela jakinarazi dute, Nafarroako Gobernuak ezarritako gutxieneko zerbitzuen ondorioz, «greba egin ahal izan duten ia langile guztiek egin baitute». Honek, hitzarmen kolektiboa negoziatzen hasteari «argi eta garbi dei egiten dio», eta «konpromisoa» erakuts dezan eskatu diote enpresari.
Patronatuari eta Nafarroako Gobernuari ere esku-hartzea eskatu diote enpresak «langileekiko eta egoitzarekiko dituen betebeharrak betetzeko». Era berean, «onartezina da enpresaren kudeaketa txarrak eta izaten ari den jarrera axolagabeak eragina izatea gure adinekoentzako zerbitzuaren kalitatean».
Herritarrak haien mobilizazioetara batzera deitu dituzte, zehazki, «gaur Elizondoko plazan 19:00etan eginen den elkarretaratzean parte hartzera».