Aroztegiko proiektuko obrak gelditzeko kanpaldi mugagabearekin segitzen dute Aroztak herri ekimeneko kideek. Gaur langileak berriz saiatu dira lanei ekiten, eta Baztango Gazte Asanbladak adierazi duenez, Guardia Zibilaren lau patrol hurbildu dira ingurura, baina bosgarren egunez, lanak geldiarazi dituzte.
Baztango Gazte Asanbladak sare sozialetan zabaldu duenez, erreka gurutzatu ahal izateko prestatzen ari dira Tex enpresakoak, Aroztak herri ekimeneko kideek, ordea, tuboaren gainean jarrita gelditzea lortu dute. Gaineratu dutenez, «gero eta jende gehiago dator babesa ematera».