Oraindik arras itzali gabe segitzen duen Erratzuko sutea zaintzen ari da suhiltzaile talde bat

Igande gauerdian Erratzun, Iñarbildik Auza aldera piztu zen sutea zaintzen ari da suhiltzaile talde bat. Izan ere, orraindik arras itzali gabe dago eta mantso-mantso  bada ere, aitzinera segitzen du toki malkartsuetan barrena. Baldintza meteorologikoek aukera ematen badute, Nafarroako Gobernuko helikopteroek goizean saiatuko dira azken sugarrak itzaltzen. Suhiltzaileek jakitera eman dutenez, behin-behineko kalkuluen arabera, 300 hektarea sastraka eta ote erre dira dagoeneko.