Iruritan, Arkupe gozotegiko obradorean aritzen da lanean Garaxi Urtasun, hain ezagunak eta ospetsuak diren pastak, pastelak, izozkiak eta txokolateak egiten. Pastak dira Arkupe Gozotegiko produkturik ezagunenak baina azken aldi honetan Arkupeko txokolateak ere –Hurrarekin egina, tabletak, bonboiak– gero eta gehiago ezagutzen eta baloratzen dira. Izan ere, txokolatea kakao hazitik zuzenean egiten duen Nafarroako txokolategi bakarra direla azaldu digu Garaxik. «Guk geuk kontrolatzen dugu prozesu osoa: kakao hazia zakutan erosi, aleak garbitu, txigortu, azala kendu, errotan xehatu, birfindu eta gero txokolatezko produktu desberdinak egin arte». Zalantzarik gabe, artisau-lan metodikoa eskatzen duen prozesua da, kalitate goreneko lehengaiekin egiten dena.
Ttipi Txartela
«Txokolatea kakao hazitik zuzenean egiten dugu»
Garaxi URTASUN ERASO, Irurita-Elizondoko Arkupe gozotegia
Ezagunak dira Arkupe gozotegiko pastak, pastelak, tartak, txokolateak eta gainerakoak, Iruritan eta Elizondon dituzten kafetegi-dendetan aurki daitezkeenak.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun