Kamioi gidariari, segurtasun-tarterik utzi gabe, autoan Bertizerantz zihoazten gidaria, haren neska-laguna eta 10 eta 15 urteko alabak arriskuan paratzea leporatu diote eta 1.500 euro ordaindu beharko dizkio familiari, eragindako kalte moralengatik.
Foruzaingoak, gertaera gertatu zenean, hau da, martxoaren 31n, zabalkundea eman zion. Izan ere, familiak autotik kamioi-gidariak nola estutzen zuen grabatu zuen, segurtasun-tartearik utzi ez eta argiak emanez zein klaxona joz estutzen zuela ikusarazteko. Belate eta Almandozko tuneletan gertatu ziren jazarpenak eta foruzaingoak Sunbillan geldiarazi zuen kamioia. Orduan 500 euroko isuna paratu eta sei puntu kendu zizkioten.