Joan den urteko ospakizunaren ildotik, larunbat goizean kantatu eginen dio Almandozko abesbatzak, luntxa hartuko dute eta oroigarriak ere emanen dizkiote Pakitari eta bazkari batean bilduko da senideekin.
Kamineroen kasetatik Eskaseneara aldatu zen bere familia, ttikia zenean. Gaur egun bi etxeak desagertuak daude. Perotxeneko Juan Oskoz Iñarrearekin ezkondu zen 1950ean eta arestian aipatutako hiru semeak izan zituen. Gaur egun, Almandozen, Elizondon eta Oiartzunen bizi dira, baina ez dute hutsik eginen irailaren 21eko ospakizunean Oraindik indartsu eta osasuntsu dabil Pakita, aunitz urtez!
Joan den urtean ere, mendeurreneko besta berezia izan zen: herriko abeslariek kantu bat eskaini zioten eta herriaren izenean, Luis Roldan alkateak oroigarria eman zion, baita lore-xorta eta Pakitak hainbertze maite duen partxis joko bat ere. «Egunero partida bat jokatzen dut suhiarekin», aipatu zuen. Kartetan aritzea ere gogoko du.
