Iruritako Salbatoreetako txupinazoak (eta zortzi ordu beranduago Urdazubikoak) hasiera eman die eskualdeko besta zirimolari. Iruritan, Joxe Mari Zelaieta ‘Xaldubi’ izan zen lehen suziria piztu zuena. Baztango udaleko mantenimendu-lanen koordinatzailea da Xaldubi eta bera izan zen Iruritako bestei hasiera emateko ardura izan zuena. Ondotik, Baztango Gaitariak eta Jo ala Jo taldeko erraldoiak dantzatu zituzten.
Iruritan nahiz Urdazubin, Salbatore egun handia ospatuko dute gaur eta ospakizun egitarau zabalak dituzte aitzinetik.
