Indarkeria sexistarik ez! zioen pankartaren gibelean egin zen elkarretaratze jendetsua. Baztan Ikastolak banatutako logotipo batek Bat erasotzen dutelarik denok erasotzen gaituzte! zioen eta kartel batzuetan Erasorik ez erantzunik gabe irakur zitekeen. Josune Ortega Baztan Ikastolako zuzendariak eta Elene Zabaleta presidenteak idatzi bat irakurri zuten, euskaraz eta gaztelaniaz, genero indarkeria jasaten duten emakumeekin elkartasunean eta horrelako gertakaririk berriz ez gertatzeko, berdintasunean eta errespetuan oinarritutako heziketa baten alde egin zuten.
Gertakaria dela eta, Nafarroako Ikastolen Elkarteak eta Baztango Udalak ere bere idatziak argitara eman dituzte.