Goizean goiz hasten dute jardunaldia, feria ongi antolatu eta prestatzeko. Horrez gain, «artisauen merkatua egiten dugu plaza eta frontoi inguruan, dena hurbil edukitzeko. Urteren batez ere aizkora ikuskizuna egin izan dugu, aurten XXX. Herriko ostatu eta jatetxeek ere menu bereziak eskaintzen dituzte».
Baina egunak lan handia du lehenagotik: «otsailean hasi ginen baimenak eskatzen, dirulaguntzak, babesleak bilatzen… eta antolaketak ere badu bere lana. Burgete zaldiak indar handia du eta segurtasun neurri aunitz hartu behar ditugu eta dena ongi muntatu. Lan handia da baina merezi du, egun polita da eta herriko jendeak gustukoa du. Kanpotik ere jendea hurbiltzen da, feria ikusgarria baita».