Senperen hiru zerrenda izan dira herriko boz hauetan: 2023ko martxoaz geroztik Senpereko auzapeza den eskuin zentroko Egin Senpererendako (Agir pour Saint-Pee) taldeko Bernard Elhorga, Elgarrekin Senpererentzat taldeko Mariana Laugier eta Hats berri zerrendako Christophe Jauregi. 2020ko herriko bozen ondotik, Elgarrekin taldeko Dominique Idiartek hartu zuen auzapez kargua. Baina kargualdi erdian, herriko bozak berriz egin behar izan zituzten, 2022ko urte bukaeran 29 hautetsitarik hamazazpik dimisioa eman baitzuten.
Hala, 2023ko otsailean berriz egin zituzten bozak. Hiru zerrenda aurkeztu zituzten: Elgarrekin –Idiart orduko auzapezarena–, Hats Berri –abertzaleen eta Idiarten zerrendako kide ohien artean osatu zutena Christophe Jauregi buru– eta eskuineko Egin Senpererentzat –Bernard Elhorga buru–. Bernard Elhorgak lortu zituen boz gehien, baina aldi honetan, bigarren itzuliaren beharrik izan gabe (talde batek % 50 baino gehiago lortu duelako) Jauregi nagusitu da.
| 2026 | 2023 | |
|---|---|---|
| Errolda | 5.832 | 5.541 |
| Zenbatutako botoak | 3.964 | 3.517 |
| Zuriak | 61 | 40 |
| Baliogabeak | 49 | 25 |
| Abstentzioa | 1.868 | 2.024 |
| Zerrenda | 2026ko bozak | 2023ko bozak |
|---|---|---|
| Hats Berri | 2.088 (23 ordezkari) | 1.233 (5 ordezkari) |
| Elgarrekin | 915 (3 ordezkari) | 886 (3 ordezkari) |
| Agir pout Saint Pee (Egin Senpererentzat) | 851 (3 ordezkari) | 1.333 (21 ordezkari) |
29 ordezkari
Hats Berri: Christophe Jauregi, Christine Perugorria, Pascal Irubetagioena, Céline Mundutegi Larramendi, Peyo Behastegi, Cécile Makirriain, Manuel Larroque, Nathalie Pourteau-Zamora, Jean-Bernard Jorajuria, Joana Aranburu, Pierre Faliere, Manon Berho, Pascal Vincent Duhau, Maïder Arozarene, Philippe Iturria, Irène Laraurette, Txomin-Pierre Karrikaburu, Carloine Maillet, Franck Dorratçague, Christine Marie Eder Etxeberri, Herve Azzolino, Maïte Perez eta Jérôme Carrillo.
Elgarrekin: Mariana Laugier, Guy Heugeurot eta Sèverine Irigoien.
Agir: Bernard Elhorga, Martine Arhancet eta Hervé Maorou Beury.