Martxoak urduritasuna ekarri du Urdazubirat, herriko ihauteriak hurbiltzen ari direnaren urduritasun berezia. Denbora frexkoarekin batera, herriko gazte eta haurren taldea elkartu eta urteroko usaiari segituta, Urdazubiko etxeetarat abiatu ziren eta musika, dantza eta kantuaz herritarrekin bat egin eta giro ezin politagoa sortzera. Etxekoen berotasunak eta edari zein jaki goxoen hurbiltasunak herriko urteroko zita beti bezala berezi egin zuen. Argazkiak: Arantxa Etxeberria
Hiru eguneko egitarauari segituz, igande eta asteleheneko eskeak astearteko mozorro bestari segida eman eta aurten lehen aldiz, haur eta gazte jokoen baitan bildu eta ihauteei akabaila eman zien. Bertze urte batez heldu den urtera begira gelditzen gara herritarrak, gogoz eta, batez ere, etxeak ireki zituzten urdazubiar guztiei eskerrik beroenak emanez.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!