Asteburuetako etxez etxekoari amaiera eman ondotik, Zakuzaharrak elkarteak apailatua du gaitzeko egitaraua, otsailaren 22ko Senpereko ihauterien ospatzeko.
Larunbatean 10:00etan haurren mozorro txapelketa eginen dute eta, ondotik, hamaiketakoa; 12:15ean zintzur bustitzea; 13:30ean bazkaria, honen erreserba (22 euro) 06 89 82 06 93 telefonora deituz; 15:00etan matahamiak, Zirikolatz elkartearen eskutik; 16:30ean dantzak Zirikolatz taldeak emanak; 17:00etan desfilea eta Zanpantzarren auzia; 18:00etan helduen mozorro txapelketa ongi sariztatua; 18:00etan Kaxkatu; 20:00etan Elektrokutau Elektrotxaranga; 22:30ean Kuartz; gauerditan Doli DJ; 18:30etik 02:00etara taloak salgai, Zaldubi Ikastolak preparatuak.
