Bizi elkarteak begi onez ikusten du Senpereko herrian legez kanpoko iragarki taulak hain laster kentzea. Elkartea ostiral honetan, urtarrilaren 31n, ohartu da bertatik pasatzean, iragarki taulak kenduak izan zirela Amotzeko zubiaren ondoan eta Amotzeko eskolaren aitzinean, urtarrilaren 27an, astelehenarekin, burutu ekintzatik lau egun baino gutiagotara. Bizik bere ekintzaren bidez agerian utzi zuen iragarki taula horiek publizitatea debekatua den "gune sailkatu" batean emanak izan zirela.
Bizirentzat, «publizitatea, gehiegizko kontsumoaren ideologia zabaltzeko tresna nagusia da. Tresna horrek hazkuntza materiala, baliabideen xahutzea eta klima-aldaketaren erantzule diren gero eta berotegi-efektuko gas gehiagoren isurtzea elikatzen du». Elkartearen ustez, elikadurari, garraioari, klimari eta osagarriari dagokionez, «publizitate mezuek Euskal Elkargoko helburuen kontrako bizimoldeak hartzera bultzatzen gaituzte».
Publizitatearen gai honi buruz preseski, bilkura publikoak antolatuak dira Eukal Elkargoaren ekimenez jendek gogoeta dezaten zer araudi eraiki behar litekeen (RLPI).
