Hori dela eta, eskaintza kulturala zabaldu dute lezeetan; ikusgarriak, kontzertuak, erakusketak, esplorazioak… «Ekitaldiak atseginak eta jakingarriak izatea espero dugu, jende guzia bere lekuan sentitzea, baina ahaztu gabe naturgune berezia dela eta errespetatu eta zaindu behar dugula». Kulturzale ugariren laguntza dute horretarako, «eta eskerrak eman nahi dizkiet denei».
Saratarrentzat leku berezia da lezea, haien historiaren eta kulturaren parte baita; «herriko talde eta elkarteak biltzeko lekua da, bazkariak egiteko, bestetan ikusgarria antolatuko dute bertan, txondorra eraikitzen ari gara… Herritarrak hemen etxean dira!».