Iaz bukatu zituzten trenbidea konpontzeko lanak, hala ere, «trenak hastapenekoak dira, duela 100 urtekoak. Hetsia dagoen denboraldian mantentze lanak egiten ditugu urtero, baina ez dira aldatu». Beraz, aurten urtero bezala abiatu dute denboraldia, eta azaroaren 3ra arte egonen da irekia.
Baina hori ez da berritasun bakarra; «audioz gidatutako bisita bat prestatu dugu, urririk. Hainbat lekutan paratutako QR kodigoen bidez, trenaren eta mendiaren historia, fauna, flora, langileen zereginak… aditzeko aukera izanen da lau hizkuntzatan».