La Troisième Rue antzerki konpainiaren Le repas des Fauves antzezlana ikusgai izanen dute Larreko kulturgunean apirilaren 7an, igandean 17:00etan, Kultur Topaketen Garaia zikloaren barrenean, Herriko Etxeak antolatuta. Sartzea 16 euro kostako da, 10 euro prezio murriztua, Euskal Herriko turismo bulegoetan galdetuta. 1942an, Frantzia okupatuan iragaiten den gertakari bat aipatzen du ordu eta erdiko iraupena duen komedia dramatiko honek.
Sinopsia
1942. Frantzia okupatuan lagunak elkartu dira anfitrioiaren urtebetetzea ospatzeko. Gaua ederki doa eraikinaren oinean bi ofizial alemaniar hil dituzten arte. Errepresalia gisa, Gestapo eraikina ikertzen hasiko da eta SSko Koubach komandantea Pélissiertarren etxebizitzan sartuko da eta besta ttiki bat zenak bertze itxura bat hartuko du. Tentsioak gora eginen du etengabe eta lagunarteko bilera piztien otordu (Repas des fauves) bihurtuko da, itxaropen-uneak eta zoramena txandakatuz. Pieza zirraragarri honetan zorroztasuna eta umore beltza nahasten dira. Irri egiten dute, dar-dar egiten dute, hunkitu egiten dira.