Senpereko Jean Marc Dupont, bakarka eta laguntzarik gabe Atlantikoa arraunez zeharkatzea lortu duen bakanetariko bat da. Gailurrak eta basamortuetako dunak esploratu ondotik, uhainen gibeleko bazter berrien ezagutzeko burutik ezin kenduriko ametsa zuen. 87 egun, borrokaz, hersturaz eta zorionez beteak. Itsasoak nortasunari eragiten diom aztarna progresiboa eta indartsua, itsasgizona zorion betetasunaren eta etsimendu orenen artean kulunka araziz. Bere orekaren atxikitzeko eta abenturaren muturreraino joateko helburu bakarra: «Norabidea fermuki atxiki!».
Jean Marc Dupont senpertarraren itsas zeharkaldiari buruzko filma ikusgai izanen dute apirilaren 15ean Senperen
Senpereko Kultur topaketen garaia egitarauaren barrenean, apirilaren 15ean, Ortzirale Saindu egunean, 19:00etan ikusgai emanen dute Larreko kultur gunean Jean Marc Dupont arraunlari senpertarrak egindako itsas zeharkaldia dokumentatzen duen Oser l’Atlantique, Jöel Bireren filma (2022). Adin guztientzat ordubeteko emanaldi irekia eta sartzea urririk izanen da, Sarako Herriko Etxearen eta Senpere Kultura eta Ondarea erakundearen eskutik. Aitzinetik eta ondotik ostatua irekiko dute.
Erlazionatuak
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun