Otsailak 23, igandea
09:30etan gazteen gosaria izanen dute Gauiñara elkartean. Segidan mozorroak jantziko dituzte (mozorrotzeko gaia: P letraz hasten den edozein mozorro) eta Dantxarinetik barna, bentaz benta ibiliko dira eskean ilundu arte. 21:30ean pintxoak eta musika denendako Indianobaitan.
Otsailak 24, astelehena, eta otsailak 25, asteartea
09:30ean herriko haurrak elkartu eta etxez etxe eskean ibiliko dira eta bukatzean herrira jaitsiko dira. 10:00etan gazteak Indianobaitan elkartu eta kafea ttanttarekin hartu ondotik, baserriz baserri ibiliko dira musikak alaiturik. 21:30ean pintxoak eta musika izanen dituzte denentzat.
