Apirilak 1, igandea
15:00etan irekiko dute biltzarra, eta Sarako eskola publikoa, Azkaingo ikastola, Senpereko ikastola eta Donibane Lohizuneko Xantako Kolegiokoen lanak ikusteko aukera izanen da. Ondotik hainbat libururen aurkezpenak eginen dituzte: 16:20etik 17:30era Allande Etxart, Maddi Zubeldia, Anne Frucher, Roger Geyer eta Pirre Accodek beraien lanak aurkeztuko dituzte.
17:30etik aitzinera, Michel Duvert, Manuel Urtizberea, Paul Badiola eta Catherine Marchand idazleek mintzaldiak eskainiko dituzte.
Apirilak 2, astelehena
10:00etatik 11:00etara Zuraideko eskola, Senpereko eskola pribatua, Hendaiako San Bixente eskola eta Aiherreko eskolakoen lanen erakusketa izanen da ikusgai.
11:00etan idazleen aurkezpenak hasiko dira: Txomin Peillen, Eneko Bidegain, Eric Dicharry eta Koldo Zuazoz gain, Euskaltzaindiako Jean-Baptiste Coyos, Xarles Bidegain eta Annde Urrutiak aurkezpenak eginen dituzte. Aipatzekoa da 11:30ean Koldo Zuazok herriko saria hartuko duela Battit Laborde auzapezaren eskutik.
12:30etik aitzinera, Biltzarreko sari nagusia emanen diete Auxtin Zamora eta Jean-Claude Larronderi. 14:30ean, Isabelle Saphore eta Philippe Saubadine idazleek aurkezpenak eginen dituzte.
Arratsaldez, 15:00etatik aitzinera, idazle andanak mintzaldiak eskainiko dituzte: Ttotte Etxebeste, Amaiur Blasco, Juankar Lopez Mugartza, Joxe Gimenez Maia, Auxtin Zamora, Pierre Olagarai, Maite Olhagaray, Martin Bouchet, Jean Claude Larronde eta Asisko Urmenetak.
Igandean, 16:00etan eta 17:00etan eta astelehenean, ordu horietan eta 11:00etan, irakurketa musikalak eskainiko ditu Kiribil Konpainiak.
