Proiektuak ukitzen dituen lau herrietatikan habiatutako herritarrak Laruneko kaxkuan elkartu ziren bertan egin nahi den proiektu erraldoia salatzeko
Pasa den igandean, azaroak 19, Azkain, Bera, Sara eta Urruñako 500 herritar baino gehiago Larunera hurbildu ziren, beraien herrietatik, bertan egin nahi den proiektua salatzeko. Kaxkoan, azken berriak azaldu zituzten eta argazki erraldoi bat ere atera zuten.
Gero, kaxkoan barna, proiektuan planteatzen dena non egin nahi duten eta zer tamainakoa izanen den azaldu zitzaien bertaratutakoei. Antolatzaileak, Larrun ez hunki kolektiboak, hagitz balorazio ona egiten du mendi martxaren inguruan, baina, aldi berean, argi utzi nahi du horrekin ez dela deus akautzen eta lanean segituko dutela proiektua gelditu arte.