erran.eus

Dani Iparragirre aranztarrak irabazi du Sarako Kontrabandisten Lasterketa

  Kirola  Xareta  Sara

Sarako Kontrabandisten Lasterketaren 54. edizioa jokatu zen igandean eta 36 lasterkarik egin zuten ibilbidea. Tartean aritu ziren eskualdeko hainbat, hala nola, hirugarren gelditu zen Asier Apezetxea aranztarra edo emakumezkoetan bizkorrena izan zen Jone Zelaieta beratarra.

Dani Iparragirre aranztarrak irabazi du Sarako Kontrabandisten Lasterketa
Kontrabandisten lasterketan parte hartu duten lasterkariak | Ikusi handiago | Argazki originala

36 lasterkarien artean, Dani Iparragirrek 42 minutu eta 25 segundo behar izan zituen 8,4 kilometroko lasterketa egiteko. Bere gibeletik, Pantxo Saint Martin sailkatu zen (00:42:43) eta hirugarren helmugaratu zen Asier Apezetxeak 42 minutu eta 50 segundo behar izan zituen.

Emakumezkoetan bizkorrena Jone Zelaieta izan zen. Honek 52 minutu eta 16 segundotan bukatu zuen lasterketa.

Aipatzekoa da, bertzalde, 8,4 kilometrako lasterketa honek inguruko 18 muga herrietako bi korrikalari gonbidatzen dituela lasterka egitera. Horrez gain, llasterketako lehenbiziko kilometro eta erdian eta azken 200 metrotan zakua eraman behar izaten dute korrikalariek bizkar gainean, 8 kilokoa gizasemeek eta 4 kilokoa emakumeek.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa