Urtero bezalaxe, bost gune osatuko dituzte Senpereko lakuaren bueltan. Haurrei zuzendutako ekitaldiak izango dira nagusi, txikienentzat hiru txoko prestatu baitituzte: puzgarriak, zurezko marrazketa, tranpolina, eskalada, tailerrak... Irrien Lagunek paratutakoa barne. Azken hau izanen da irekitzen lehena, 10:00etan irekiko baita, gune horretatik nahiko hurbil dagoe Hur Egia Etxean harrera ofiziala eginen den une berean. Gainerakoak 10:30etik 11:00etarako tartean irekiko dituzte eta arratsalde erdira arte izanen da non gozatua.
Aurtengo berrikuntza nagusia Baxe Nafarroa gunean egingo den Erronka da. Ikastoletako bigarren mailetako gazteentzako proba, 13-16 urteko gazteentzat pentsatua alegia. Zenbait proba gainditu beharko dituzte taldeka, fisikoak zein beste mota bateko abileziak neurtuko dituztenak.
Segidan duzue gunez gune prestatutako egitaraua:
Araba gunea
11:00 HU Kantuz. 12:30 Mutxikoak. 14:00 Kalakan. 15:30 Maialen. 17:00 Glaukoma. 18:30 Zezenaren taldea.
Gipuzkoa gunea
10:30 Euskararen taupadak. 12:30 Irri Herri Ainitz. 13:30 Ginkana. 16:30 Ane eta Piratak parrandan.
Nafarroa
10:00 BBAX. 11:00 Torii. 12:30 Oihan Vega. 14:00 Joxe Replay. 15:30 Betagarri. 17:30 Willis Drummond.
Lapurdi11:00 Bertso saioa. 12:00 Aire ahizpak. 13:30 Aguxtin Alkhat. 15:30 Nahia & Matthys. 17:00 Tadusak.
Hondartza
11:00 Ezpela. 11:45 Los seveutons. 13:30 Etorkizuna. 14:00 Izartxo. 14:45 Zirikolatz. 15:30 Aukeran.
