Euskal Herriko Bertsolari Txapelketa 2026

Larunbatean jokatuko dute final aitzinekoen lehenbiziko bueltako azken saioa eta hor kantatuko du Maddi Ane Txoperenak

Ttipi-Ttapa

Maddi Ane Txoperena Iribarren Hazparneko saioan bertsotan. Argazkilaria: Hibai Agorria Munitis. Iturria: Xenpelar Dokumentazio Zentroa. 

Miarritzen jokatuko da Euskal Herriko Bertsolari Txapelketako final aitzinekoetako laugarren saioa, larunbat honetan, azaroaren 14an. Orduan jakinen da zein izanen diren final aitzinekoetako bigarren itzulian kantatuko duten bertsolariak. 

Sei bertsolari igoko dira Miarritzeko Jai Alai pilotalekuko oholtza gainera: Andoni Rekondo Izagirre, Julio Soto Ezkurdia, Maddalen Arzallus Antia, Maddi Ane Txoperena Iribarren (Hendaia-Lesaka), Oier Etxeberria Zubimendi eta Sustrai Colina Acordarrementeria. Aurkezle lanetan, Ekhi Erremundegi Beloki ariko da. 17:00etan hasiko da eta ateak 15:30ean irekiko dituzte. Sarrerak www.bertsosarrerak.eus atarian erosten ahal dira, eta sarrerak lehenagotik agortzen ez badira, saioaren egunean leihatila 15:30ean irekiko dute. 

Saio erabakigarria izanen da Miarritzekoa: lehenbiziko bueltako azken final aitzinekoa izanda, bigarren itzulira zein bertsolari pasatuko diren jakinen baita egun horretan. 

Final aitzinekoetan orain arteko sailkapena

Oraingoz, lehenbiziko itzulitik bigarrenera zuzenean sailkatutakoak hauek dira:

  • Amets Arzallus Antia
  • Nerea Ibarzabal Salegi
  • Aitor Mendiluze Gonzalez
    Urriak 24 I Larraun-Lekunberri Urriak 31 I Eibar Azaroak 7 I Gernika-Lumo
1. Amets Arzallus  746,50 puntu    
2. Nerea Ibarzabal   740,00 puntu  
3. Beñat Gaztelumendi 733,00 puntu    
4. Alaia Martin   722,00 puntu  
5. Miren Artetxe   713,50 puntu  
6. Aitor Mendiluze     713,00 puntu
7. Aner Peritz     707,00 puntu
8. Joanes Illarregi     707,00 puntu
9. Ane Labaka     703,50 puntu
10. Oihana Iguaran   701,50 puntu  
11. Nerea Elustondo   696,00 puntu  
12. Aitor Bizkarra     694,00 puntu
13. Saioa Alkaiza 689,50 puntu    
14. Agin Laburu     687,00 puntu
15. Xabat Illarregi 674,50 puntu    
16. Xabat Galletebeitia 664,00 puntu    
17. Asier Azpiroz   642,50 puntu  
18. Gorka Pagonabarraga 624,00 puntu    
 

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun