Urriaren 26an, Elgorriagako Bainuetxean hasiko dute jardunaldia, 08:45ean. Kafea hartu ondotik, autobusera igoko dira 09:05ean. Iturengo Egur Pellet enpresan eginen dute eguneko lehenbiziko geldialdia. 09:15ean egurra nola metatu eta txikitzen duten ikusteko aukera izanen da eta segidan, Loreki eta Egurlan enpresetako ordezkariek hartuko dute hitza. Biomasaren sektorean ari diren enpresak dira biak. 10:15ean autobusera igoko dira berriz ere eta Lekarozko institutu eta aterpetxera joanen dira, bertan duten biomasa instalazioa bisitatzera. 11:30ean, autobusean sartu eta Elgorriagako bainuetxera eginen dute buelta. Biomasa, baso-kudeaketa eta ekonomia zirkularra izanen dituzte hizpide sektoreko profesionalek eta hainbat eragilek parte hartuko duten solasaldian. Basozainak, Boralan, Cederna Garalur, Egur Pellet eta Heizomateko ordezkariak gonbidatu dituzte. Jardunaldiari bukaera emateko, luntxa izanen dute 13:30ean.
Baztan-Bidasoa Aktibazio Plana
'Egurretik energiara' jardunaldia antolatu dute astelehenean Baztan-Bidasoan
2026ko urriaren 23a
Baztan-Bidasoko aktibazio planaren baitan eta bertako eragile batzuekin elkarlanean, Biomasari buruzko Informazio Jardunaldia antolatu dute. Zura energia bihurtzeko prozesua bertatik bertara ezagutzeko aukera eskainiko dute eta biomasa, baso-kudeaketa eta ekonomia zirkularrari buruz ariko dira solasean.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun