Partida hasi eta berehala aitzinetik paratu ziren doneztebarrak, Eki Erasunek sartutako golarekin, baina bigarren zati hasieran berdindu egin zuen Baztanek, Aritz Maisterrenaren golaren bitartez. Partida berdinketarekin akituko zela zirudienean, azken jokaldian Imanol Zocok sartutako golak garaipena eman zien baztandarrei. Denboraldiko lehen partida galdu arren, Doneztebek igoera zuzeneko postuan segitzen du partida bat guttiago jokatua izan arren (asteazkenean jokatuko du Tuteran Lourdesen kontra gibeleratutako partida hori) eta baztandarrak aunitz hurbildu dira goitiko postuetara.
Nafarroako lehen maila autonomikoko futbol derbia jokatu zuten larunbat arratsaldean ikuslez lepo eta giro bikaina izan zuen Elizondoko Giltxaurdi futbol zelaian. Baztan eta oraindik partidarik galdu ez zuen Doneztebe ziren aurrez aurre, lehen aldiz Nafarroako futboleko kategoria nagusian (duela hamalau urte, bi taldeak erregionaleko lehen mailan zirenean ere aritu ziren). Argazkiak: Juan Mari Ondikol
Erlazionatuak
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun