Txirrindulari sunbildarra eta korrikalari goizuetarra zirkuituko zazpi probetatik bortzetan garaile suertatu dira erreleboka
Hamabosgarren edizioa bete duen zirkuituak zazpi proba ditu eta horietatik bostetan garaile suertatu dira, Herrera mendi bizikletarekin eta Aizkorbe lasterka. Bertze proban bigarren izan ziren (hain zuzen, Euskal Herriko Mendi Duatloi txapelketa erabaki zen urriaren 18an Kanpezun eta bertze sunbildar bat, Eneit Bertiz eta Aimar Otxoteko lesakarra suertatu ziren txapeldun). Bertze proban, Koldo Herrerak parte hartu ezin izan zuen batean, Aizkorbek bakarrik egin zituen mendi bizikletan eta lasterka egin beharreko zatiak, eta meritu handiko hamabigarren postua lortu zuen.