Euskal Herriko Mendi Duatloi zirkuituaren barrenean, Ioar kirol elkarteak antolatutako probak hiru sektore zituen. Lehenengoan, 6,29 kilometroko mendi lasterketa egin behar zen, 172 metroko desnibel positiboarekin, bigarrenean, 19 kilometro mendi bizikletaz, 624 metroko desnibelarekin eta hirugarrenean kilometro eta erdi lasterka, 18 metroko desnibelarekin. Otxotekok eta Bertizek ordubete, 26 minutu eta 36 segundo behar izan zituzten lasterketa burutzeko. Herrera eta Aizkorbek, berriz, ordubete, 29 minutu eta 14 segundo behar izan zituzten.
Eneit Bertiz eta Aimar Otxoteko, Euskal Herriko Mendi Duatloi txapeldunaren maillotekin.
Eneko Aramendia eta Eneko Herrera sunbildarra laugarren izan ziren (1.36.54), Hodei Aleman iruritarra eta Martin Etxabe erratzuarra zazpigarren izan ziren (1.39.26) eta lehen bikote mistoa Ainhoa Etxegarai beratarrak eta Asier Biurrarena lesakarrak osatutakoa izan zen (1.44.25), bigarren Oihana Arruti lesakarra eta Mattin Sanzberro etxalartarrak osatutakoa (1.46.24) eta hirugarren Olatz Iturralde baztandarra eta Asier Antuña sunbildarrak osatutakoa (1.52.50).