Bertze urte batez udazkeneko kanpaina hasi du Errigorak, aurtengoan 'Ezinbestekoak euskararentzat Agerrean' lelopean. Azaroaren 13an bukatuko da saskiak erosteko epea, eta bertze urte batez TTIPI-TTAPAK lehiaketa antolatu du saskia lortzeko. Heldu den ortzegunean bukatuko da parte hartzeko epea.
Lehiaketan parte hartu nahi dutenek aski dute hemen sartu eta galderak erantzutea. Galderak zuzen erantzuteko informazioa, berriz, artikulu honetan zein errigora.eus atarian aurkituko dute.
Parte hartzeko TTIPI TXARTELA izan beharko da eta kidetza egiterakoan emandako e-mailarekin erregistratua egon beharko da ERRAN Aplikazioan edo ERRAN.EUSen.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.