Eskualdeko Lanbide Heziketako ikastetxeetan erantzun handia izan zuen atzoko lanuzteak. Elizondoko Lanbide Eskolan, adibidez, irakasleen % 82k babestu zuten greba eta Berako Toki Ona institutuan % 80k. Gaur bigarren greba eguna izanen dute eta Steilas, LAB, CCOO eta ELA sindikatuek «greba egun hauetan eta deitutako mobilizazioetan aktiboki parte hartzeko» deia egin diete irakasleei.
Gaur ere 08:00etan ikastetxeetan piketeak egiteko deia egina dute. 09:00etan elkarretaratzea eginen dute Iruñeko Baluarten, eta 12:00etan manifestazioa CENetik Baluartera. Bihar, berriz, 10:15ean elkarretaratzea eginen dute Nafarroako Jauregiaren aitzinean.
