Bina haur Erratzura, Elizondora eta Iturenera etortzekoak ziren, eta gainerakoak Iruritara, Zigara, Narbartera, Donamariara eta Sunbillara eta abuztuaren 29ra arte eskualdean pasatzekoa zuten uda. Dena gibelatu da, ordea, eta harrera familiek «emozioak dantzan» dituztela adierazi du Saharaztanek: «ez baitakite gaur-gaurkoz noiz ailegatuko diren». Gehiago ere erran du: «Eta zer erran basamortuan 50 gradutik goiti, ur eskasiarekin, ulitxa aunitzekin, argi mozketekin... sufritzen ari diren haur eta beraien familien ilusio, gogo eta beharrez?». Gaineratu duenez, «momentuz egun batzuk esperatu beharko ditugu gure etxeetan, plazetan eta karriketan Mohamedu, Kente, Nana, Dumaha, Brahin, Mohamed, Nayat eta bertzeekin elkartzeko».
Oporrak Bakean programari esker, Saharako hamaika haur gaur ailegatzekoak ziren eskualdera, baina Saharaztan Saharako herriaren aldeko Baztan-Bidasoko elkartasun elkarteak jakinarazi duenez, «afera burokratikoak tarteko, Nafarroara etortzekoa zen hegaldia, Espainiako Estatura joatekoak zirenak bezala, alde batera gelditu da».
Erlazionatuak
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun