Aurkeztu zeuen burua:
- Iban Zugarramurdi: Pertsona baikorra, alaia eta Arantzako herritar bat gehiago, bertan kontent bizi dena.
- Aitor Zabaleta: Leitzarra, 18 urtetan Esne Beltzako baxu jotzailea izandakoa.
- Jon Mari Beasain: Trikitixa munduan panderoarekin hasi eta gerora gitarrarekin jarraitu duen musikaria.
Zuena ez den bertze instrumentu bat?
- Zugarramurdi: Gitarra.
- Zabaleta: Pianoa.
- Beasain: Txalaparta.
Musikari izan ez bazinate?
- Zugarramurdi: Ez dut inoiz pentsatu... Igual pintore.
- Zabaleta: Pintore.
- Beasain: Marrazkia asko gustatzen zait eta artearen inguruan ibiliko nintzateke.
Zer afizio dituzue?
- Zugarramurdi: Kirola, batez ere bizikleta, eta ehiza.
- Zabaleta: Argazkilaritza eta pintura.
- Beasain: Musika, mendia, baratzea, perfumeria, sendabelarrak…
Artista bat?
- Zugarramurdi: Michael Jackson.
- Zabaleta: Rodrigo Cuevas.
- Beasain: Mikel Laboa.
Disko bat?
- Zugarramurdi: M-ak taldearen Barkatu ama.
- Zabaleta: Itoiz taldearen Espaloia.
- Beasain: Mikel Laboaren Lau-bost.
Kanta bat?
- Zugarramurdi: Itoiz taldearen Happening baserrian.
- Zabaleta: Olaia Inziarteren Zenbat okupatzen du.
- Beasain: Pier Paul Berzaizen Baratze bat.
Musika talde bat?
- Zugarramurdi: Living Colour. Baina Metallica, Muse, Suicidal Tendencies, Bob Marley… Mila erraten ahal ditut.
- Zabaleta: Yellow Jackets.
- Beasain: Hertzainak.
Esne Beltzarekin egindako kontzertu bat?
- Zugarramurdi: Lehenbizikoa, Anoetako gaztetxean.
- Zabaleta: Bat baino gehiago. Aukeratzekotan, orain dela urte batzuk Alemanian eta Suitzan egindako bira eta Miribillako agur kontzertua.
- Beasain: Azken kontzertua.
Zuzenekoetan hasi aitzinetik, maniarik?
- Zugarramurdi: Maniarik ez, baina dena ongi dagoela konprobatu behar izaten dut.
- Zabaleta: Ez.
- Beasain: Ez dakit…
Esne Beltzak landu dituen musika estiloen artean, bat aukeratzekotan?
- Zugarramurdi: Denetarik. Bat aukeratzekotan reggaea.
- Zabaleta: Edozein estilorekin gustura, baina reggaearekin, adibidez, oso gustura.
- Beasain: Ska, rocka, folka, trikitixa…
Oholtza bat?
- Zugarramurdi: Hatortxu Rock.
- Zabaleta: Jendea hurbil dagoen edozein.
- Beasain: Ereñotzukoa.
Herriko txoko bat?
- Zugarramurdi: Meaka.
- Zabaleta: Zirate.
- Beasain: San Roke ermita.
Amets bat?
- Zugarramurdi: Ttikitako ametsak beteak ditut; gerora, ni eta nire ingurukoak zoriontsu eta osasuntsu segitzea.
- Zabaleta: Musikaz gozatzen segitzea.
- Beasain: Lasaitzea.
